İstehlakçıların keyfiyyətli və fasiləsiz elektrik enerjisi ilə təmin olunması “Azərişıq” ASC-nin hədəflərindən biridir. Enerji təchizatı sahəsində istehlakçıların maarifləndirmə işinin aparılması Səhmdar Cəmiyyət tərəfindən daim diqqət mərkəzində saxlanılır və vaxtaşırı olaraq  media və sosial şəbəkələrdə də bu istiqamətdə təşviqat işləri aparılır.

Səhmdar Cəmiyyətin əməkdaşları tərəfindən elektrik enerjisinin istehlakı ilə yanaşı, istehlak olunan elektrik enerjisinin dəyərinin vaxtında ödənilməsi də abonentlərin diqqətinə çatdırılır. İstehlakçılara istifadə edilən elektrik enerjisinin dəyərini vaxtında ödənilmədiyi halda elektrik enerjisi verilişinin dayandırılacağına dair bildiriş - xəbərdalıq təqdim olunur.

Buna,  Azərbaycan Respublikasının 11 aprel 2023-cü il tarixli, 858 nömrəli “Elektroenergetika haqqında” Qanunu  və Azərbaycan Respublikası Nazirlər Kabinetinin 2005-ci il 2 fevral tarixli 18 nömrəli “Elektrik enerjisindən istifadə Qaydaları”nın tələbləri enerji təchizatı müəssisəsinə  hüquqi əsas verir.

Bu istiqamətdə istehlakçıların maarifləndirilməsi tədbirləri mütəmadi xarakter daşıyır.