“Azərişıq” ASC-nin elektrik təchizatı şəbəkəsinə (bundan sonra “ETŞ”) qoşulma üzrə Kommunikasiya Strategiyası – internet resursları, sosial media hesabları və digər kommunikasiya vasitələri ilə qeyd olunan sahədə maraqlı tərəflərlə əlaqələrin qurulması, müsbət imicin formalaşdırılmasını əhatə edir. Səhmdar Cəmiyyət tərəfindən həyata keçirilən yeniliklər ilə bağlı vətəndaşların maarifləndirilməsi, təbliğat işinin effektiv şəkildə aparılması kommunikasiya fəaliyyətinin strateji planlaşdırılmasınıda əsas məqsədlərdən biridir.

Sahibkarlıq subyektlərinin ETŞ-yə qoşulması ilə bağlı məlumatlılıq və məmnunluq səviyyəsinin artırılması Kommunikasiya üzrə əsas məqsədlər Azərbaycan Respublikasında biznes mühitinin daha təkmilləşdirilməsinə və onun beynəlxalq biznes reytinqlərində mövqeyinin daha da möhkəmləndirilməsinə xidmət edir.

Səhmdar Cəmiyyətin elektrik təchizatı şəbəkəsinə qoşulma kommunikasiya fəaliyyəti üzrə əsas məqsədləri aşağıdakılardır:

✅ ETŞ-yə qoşulma üzrə elektron xidmətlərin sayının artırılması;

✅ ETŞ-yə qoşulma üzrə sahibkarlıq subyektlərinin sayının əhəmiyyətli şəkildə artırılması;

✅ ETŞ-yə qoşulma üzrə sahibkarlıq subyektlərinin maarifləndirilməsi və prosesin sadəliyi ilə bağlı onların məlumatlandırılması;

✅ ETŞ-yə qoşulma üzrə müddətin azaldılması;

✅ ETŞ-yə qoşulma prosesi zamanı sahibkarlarla fiziki ünsiyyətlərin minimuma endirilməsi və şəffaflığın artırılması;

✅ ETŞ-yə qoşulma ilə bağlı maraqlı tərəflərin müəyyənləşdirilməsi və onların qruplaşdırılması.

✅ Aidiyyəti maraqlı tərəflərdən Səhmdar Cəmiyyətin fəaliyyəti ilə bağlı rəylərin toplanması və məmnunluq səviyyəsinin öyrənilməsi;

✅ Səhmdar Cəmiyyətin ictimaiyyətdə müsbət imicinin formalaşdırılması.

#Azərişıq