
“Azərişıq” ASC-nin kadr potensialının artırılması məqsədi ilə 2022-ci ilin oktyabr ayında “Təlim-Təcrübə Laboratoriyası” layihəsinə start verilmişdir. Azərbaycan universitetlərində texniki ixtisaslar üzrə təhsil alan 4-cü kurs tələbələri və magistrların iştirakı nəzərdə tutulan bu layihənin əsas məqsədi “Azərbaycan-2030” Milli prioritetlərinə əsasən gənc kadrların hazırlanması və dəstəklənməsi, əyani surətdə seminarların keçirilməsi və “Azərişıq” ASC –nin iş yerlərində müvafiq sahələr üzrə iş təcrübəsinin aparılması, bilik və bacarıqların aşılanması, həmin müdavimlərin Səhmdar Cəmiyyətin müvafiq strukturları üzrə işlə təmin olunması və kadr ehtiyatı bankının gənc müdavimlər hesabına daha da zənginləşdirilməsidir. Layihənin icra edilməsi müddətində müdavimlər ilə görüş və seminarlar keçirilir, qarşılaşdıqları çətinliklər və karyera barəsində diskussiyalar aparılır, komandada işləmə bacarığı, stressə davamlılığı yoxlamaq üçün onlara müəyyən tapşırıqlar verilir. Nəticədə, müdavimlərdə işgüzar keyfiyyətlər, “Azərişıq” ASC imici, mühəndis etikası yaranır və subordinasiya qaydaları aşılanır. Təlim-təcrübə laboratoriyasının müdavimləri proqram boyunca aşağıdakı meyarlar üzrə qiymətləndirilir:
1.Davamiyyət
2.İşgüzar keyfiyyətlər
3.Stressə davamlılıq
4.“Azərişıq” ASC imici
5.Qavrama və mənimsəmə
6.İxtisas bilikləri
7.Mühəndis etikası və subordinasiyası
8.Komandada işləmə bacarığı
9.Testin nəticəsi
Bu istiqamətdə həyata keşirilən tədbirlər arasında “Gənc təcrübəçilərin fərdi inkişafı” müsabiqəsini qeyd etmək olar. Müsabiqəyə əsasən, gənc müdavimlər aşağıdakı meyarlar üzrə qiymətləndirilib:
1.Komanda hazırlığı
2.Sosial məsuliyyət
3.İnnovativlik
4.Ümumi biliklər
5.Liderlik
Digər xəbərlər
- Masallıda təmir işləri ilə əlaqədar elektrik enerjisinin verilişində fasilə yaranacaq 05 Fevral 2025
- “Azərişıq” ASC Kəlbəcər və Laçında yenidənqurma işlərini davam etdirir 16 Yanvar 2025
- Elektrik enerjisi istehlakı üzrə debitor borcların ödənişinin təmin olunması istiqamətində tədbirlər həyata keçirilir 30 Yanvar 2025
- Çinin “Dongfang Electronics Corporation” şirkətinin nümayəndləri “Azərişıq” ASC-nin Qarabağda gördüyü işlərlə tanış olub 17 Yanvar 2025
- Lənkəranda təmir işləri ilə əlaqədar elektrik enerjisinin verilişində fasilə yaranacaq 13 Yanvar 2025