Bu gün sürətlə inkişaf edən enerji sektorunda elektrik enerjisindən səmərəli istifadə mühüm əhəmiyyət kəsb edir. Enerji səmərəliyinin yüksəldilməsi istiqamətində atılan mühüm addımlardan biri də  elektrik enerjisindən qənaətlə istifadə etməkdir.

Bütün sahələrdə elektrik enerjisindən qənaətlə istifadəyə önəm verilməlidir. Həmçinin, evlərdə közərmə lampalarının əvəzinə, elektrik enerjisinə qənaət edən lampalardan istifadə etməklə, enerji istehlakı əhəmiyyətli dərəcədə azalır. Eyni zamanda elektrik enerjisindən səmərəli istifadə günəş və külək kimi bərpa olunan enerji mənbələrinin şəbəkəyə daha geniş inteqrasiyasına imkan yaradır. Çünki qənaətli enerji sərfiyyatı hesabına aşağı gücdə bərpa olunan enerji mənbələrinin istehsalını daha da genişləndirmək olar. Tükənə bilən resurslara olan ehtiyacların azaldılması qlobal dayanıqlılıq hədəfləri və milli enerji keçidi siyasəti ilə tam uzlaşır, ekoloji dayanıqlığa töhfə verir. Gələcək nəsillərə ekoloji cəhətdən təmiz dünya saxlamaq hər birimizin borcudur.

Elektrik enerjisinin qənaətlə istifadə edilməsi şəbəkənin yüklənməsinin qarşısını alır, şəbəkənin sabitliyini artırır, qəza riskini azaldır və şəbəkənin ümumi dayanıqlığını gücləndirir.  Həmçinin, elektrik enerjisindən səmərəli istifadə etməklə, enerji xərclərini azaltmaqla ailə büdcəsinə qənaətlə yanaşı, elektrik enerjisi itkilərinin qarşısının alınmasına və ətraf mühitə töhfə vermiş olunur.