Bu gün "Azərişıq" ASC ölkəyə gətirdiyi "SMART card reader" cihazlarının təqdimatını keçirib. Təqdimatı ASC-nin İnformasiya Texnologiyaları Departamentinin rəisi Qalib Həmidov edib.
Bu avadanlıqlar 300 mindən çox abunəçinin işini asanlaşdıracaq. Hazırda "Azərişıq"ASC-nin 550 minə yaxın smartkart tipli sayğacı olan abunəçisi var. Həmin abunəçilərin istifadəsində olan smartkartlar iki cürdür. Hazırda yalnız onlardan bir qrupu bunu istifadə edə biləcək. Bu isə təxminən 300 mindən bir qədər artıq abunəçi deməkdir. Qarşıdakı günlərdə isə digər növ smartkart sayğaclarında da bunu istifadə etmək mümkün olacaq.
Yeni cihazlar smartkartların ev şəraitində yüklənməsinə şərait yaradacaq. "Azərişıq"ASC-nin mobil əlavəsinə edilən yenilikdən sonra "SMART card reader" cihazını telefona qoşmaqla ödəniş etmək olur. Hazırda yalnız android əməliyyat sistemli telefonlar üzərindən bu mümkündür. Amma yaxın günlərdə android platforması üzərindən də bunu etmək mümkün olacaq.
Hazırda "SMART card reader"lərdən təxminən 3 000 ədəd gətirilib. Onların qiyməti 18-20 manat civarında olacaq. Abunəçilər bu cihazları "ASAN kommunal" və "ASAN xidmət" mərkəzlərindən əldə edə biləcəklər.
Digər xəbərlər
- “Azərişıq” ASC-nin sədri Vüqar Əhmədov martın 10-da Mingəçevir və Yevlax rayonlarından olan vətəndaşları qəbul edib. 10 Mart 2022
- Salyanın Babacanlı qəsəbəsi və Kür Qaraqaşlı kəndinin elektrik şəbəkəsi yenidən qurulub. 19 Aprel 2022
- Azərişıq ASC-nin Kommunikasiya Strategiyası hazırlanıb. 19 Yanvar 2022
- Zəngilan rayonunun Ağalı kəndinə və tikilməkdə olan beynəlxalq hava limanına 35 kV-luq xətt çəkilir. 16 May 2022
- "Azərişıq" ASC-Nin Sədri Mingəçevir Və Yevlaxda Vətəndaşları Qəbul Edəcək 07 Mart 2022