Abonentlərin fasiləsiz və keyfiyyətli elektrik enerjisi ilə təmin olunması, enerji itkilərinin minimuma endirilməsi məqsədilə oktyabrın 21-də bir sıra rayon Elektrik Şəbəkələrində (EŞ) təmir işləri aparılacaq.

Ağdaşda 35/10 kV-luq "Ağdaş" yarımstansiyasından çıxan 10 kV-luq 2-ci şəhər və "Dəhnə" hava xətlərində təmir işləri həyata keçiriləcək. Bu zaman şəhər ərazisində yerləşən İmadəddin Nəsimi küçəsi, o cümlədən rayonun Aşağı Ağcayazı, Dəhnəxəlil, Yuxarı Ağcayazı kəndləri və Türyançay qəsəbəsənin bir hissəsində saat 10:00-dan 15:00-dək elektrik enerjisinin verilişində məhdudiyyət tətbiq olunacaq.

Yevlaxın Aşağı Salamabad, Bəydili, Əcəmi, Gülövşə, Yuxarı Salamabad kəndlərinin bəzi ərazilərində 110/35/6 kV-luq "Mingəçevir" yarımstansiyasından çıxan 6 kV-luq fiderdə görüləcək təmir işləri ilə əlaqədar saat 10:00-dan 15:00-dək enerjinin verilişində qısa müddətli fasilə yaranacaq.

Astarada 110/35/10 kV-luq "Astara" yarımstansiyasından qidalanan 35 kV-luq "Lovayin" hava xəttində təmir işləri yerinə yetiriləcək. Beləliklə, planlı fasilə saat 10:00-dan 13:00-dək Çayoba, Hamoşam, Kakalos, Lovayin, Pensər, Siyaku, Şahağac, Təngərüd, Toradi kəndlərini əhatə edəcək.

Görüləcək işlər həm də elektrik enerjisinin verilişində keyfiyyət göstəricilərinin artırılmasına, həmçinin artan yük tələbatının qarşılanmasına xidmət edəcək.