"Azərişıq" Açıq Səhmdar  Cəmiyyəti    istehlakçıların  fasiləsiz və keyfiyyətli elektrik enerjisi ilə təmin olunması, vətəndaş məmnunluğunun formalaşdırılması  və öz fəaliyyəti çərçivəsində  qarşıya qoyulmuş bütün vəzifələrin icrası istiqamətində  zəruri tədbirlər həyata keçirir. Məlumdur ki, son illər respublikamızda   yeni generasiya gücləri yaradılmış, eyni zamanda, paylayıcı şəbəkənin inkişafı, xüsusilə  elektrik verilişi xətlərinin  yenidən qurulmasına  böyük diqqət göstərilir.

Cəmiyyətdə elektrik təchizatının etibarlılığının artırılması, enerji dayanıqlığının və texnoloji itkilərin azaldılması,  yeni güc mənbələrinin tikintisi, elektrik verilişi xətlərinin yenilənməsi, smart(ağıllı) şəbəkələrin qurulması, rəqəmsallaşdırma və elektronlaşdırma işlərinin sürətləndirilməsi, sektora aid olan ən son innovasiyaların və texnoloji yeniliklərin tətbiqi istiqamətində davamlı işlər aparılmaqdadır.

Aparılan bu tədbirlər sahibkarların rahatlığına , onların operativ və şəffaf formada  elektrik təchizatı şəbəkəsinə qoşulmasına xidmət edir.Bu baxımdan müntəzəm olaraq Cəmiyyətin rəsmi intenet səhifəsində və sosial şəbəkə hesablarında  paylaşımlar edilir, sahibkarlıq subyektlərinin məlumatlılıq səviyyəsinin artırılması istiqamətində materiallar paylaşılır.

Bununla əlaqədar, sahibkarlıq subyektlərinin ETŞ –yə elektron şəkildə qoşulması prosedurları üzrə video təlimat hazırlanmış və  2024-cü ilin yanvar ayı ərzində "Azərişıq ASC-nin rəsmi səhifəsinə yüklənmiş və sosial şəbəkələrdə olan səhifələrində yayımlanmışdır. Qeyd olunan bu və digər tədbirlər nəticəsində ETŞ –yə elektron şəkildə qoşulma saylarında müsbət dinamika izlənilir, 2024-cü ilin yanvar ayı ərzində sahibkarlıq subyektlərinin 50.1%-ı şəbəkəyə qoşulmaq üçün elektron şəkildə müraciət etmişdir. 16 Yanvar 2024-cü il tarixində KOB İnkişaf Agentliyinin təşkilatçılığı, Lənkəran regional koordinatorluğu üzrə Masallı Sənaye Mərkəzində “Regionda turizm potensialının genişləndirilməsi istiqamətində marketinq və kommunikasiya planı üzrə mövcud imkanlar, problemlər və perspektivlər” mövzusunda görüş keçirilmişdir. Görüşdə iştirak edən sahibkarlara ETŞ-yə qoşulma sahəsində aparılmış islahatlar və həyata keçirilən yeniliklər barədə məlumat verilmiş, görüş iştirakçılarının sualları cavablandırılmışdır. Bundan başqa 18 Yanvar 2024-cü il tarixində Abşeron regional koordinatorluğu üzrə Sumqayıt şəhəri, Heydər Əliyev Mərkəzində “Sənaye sahəsində mövcud imkanlar, problemlər və perspektivlər” mövzusunda görüşdə “Azərişıq” ASC də iştirak etmiş, sahibkarların mövcud problemləri dinlənilmiş, sualları cavablandırılmışdır. Görüşlər kütləvi informasiya vasitələrində (KİV) yayımlanmışdır.