“Azərişıq” ASC-nin elektrik təchizatı şəbəkəsinə (bundan sonra “ETŞ”) qoşulma üzrə kommunikasiya strategiyası internet resursları, sosial media hesabları və digər kommunikasiya vasitələri vasitəsilə bu sahədə maraqlı tərəflərlə əlaqələrin qurulmasını, eləcə də müsbət imicin formalaşdırılmasını əhatə edir. Səhmdar Cəmiyyət tərəfindən həyata keçirilən yeniliklərlə bağlı vətəndaşların maarifləndirilməsi, təbliğat işinin effektiv şəkildə aparılması və kommunikasiya fəaliyyətinin strateji planlaşdırılması bu istiqamətdə əsas məqsədlərdən biridir.

Sahibkarlıq subyektlərinin ETŞ-yə qoşulması ilə bağlı məlumatlılıq və məmnunluq səviyyəsinin artırılması kommunikasiya fəaliyyətinin əsas məqsədlərindəndir. Bu yanaşma Azərbaycan Respublikasında biznes mühitinin daha da təkmilləşdirilməsinə və ölkənin beynəlxalq biznes reytinqlərində mövqeyinin möhkəmləndirilməsinə xidmət edir.

Səhmdar Cəmiyyətin elektrik təchizatı şəbəkəsinə qoşulma üzrə kommunikasiya fəaliyyətinin əsas məqsədləri aşağıdakılardır:

✅ ETŞ-yə qoşulma üzrə elektron xidmətlərin sayının artırılması;

✅ ETŞ-yə qoşulma üzrə sahibkarlıq subyektlərinin məlumatlandırılması və maarifləndirilməsi, eləcə də prosesin sadəliyi barədə onların məlumatlılığının artırılması;

✅ ETŞ-yə qoşulma üzrə müddətin azaldılması;

✅ ETŞ-yə qoşulma prosesi zamanı sahibkarlarla fiziki təmasların minimuma endirilməsi və şəffaflığın artırılması;

✅ ETŞ-yə qoşulma ilə bağlı maraqlı tərəflərin müəyyənləşdirilməsi və qruplaşdırılması;

✅ aidiyyəti maraqlı tərəflərdən Səhmdar Cəmiyyətin fəaliyyəti ilə bağlı rəylərin toplanması və məmnunluq səviyyəsinin öyrənilməsi;

✅ Səhmdar Cəmiyyətin ictimaiyyətdə müsbət imicinin formalaşdırılması.