İstehlakçıların dayanıqlı və keyfiyyətli elektrik enerjisi ilə təchiz olunması Səhmdar Cəmiyyətin əsas hədəflərindən biridir.  Bu hədəflərin icrası məqsədilə Səhmdar Cəmiyyət tərəfindən mütəmadi tədbirlər həyata keçirilir. Bundan əlavə  istehlakçıların ödəniş intizamını pozmaması, istehlak etdikləri elektrik enerjisinin haqqını vaxtında ödəməsi Cəmiyyətin öz fəalliyətini daha da operativ qurmasına şərait yaradır.  Bununla yanaşı, Səhmdar Cəmiyyət tərəfindən elektrik enerjisindən istifadə qaydalarının müvafiq tələblərinə istehlakçılar tərəfindən əməl olunması da mütəmadi olaraq diqqət mərkəzində saxlanılır.

Bu istiqamətdə aparılan tədbirlər sırasına  istehlakçılar arasında maarifləndirmə və təbliğat işlərinin aparılması məsələləri daxil edilməlidir.

Belə ki, debitor borcların yığılması istiqamətində həyata keçirilən tədbirlər arasında istehlak olunmuş elektrik enerjisi haqqının ödənilməsi ilə bağlı normativ sənədlərin tələblərinin abonentlərə çatdırılması işinin təşkili xüsusi əhəmiyyət kəsb edir. Borcu olan abonentlərlə fərdi işin aparılması həmin  debitor borcların yığılmasına mübət təsir edir.

Bundan əlavə, istehlakçıların elektrik enerjisindən istifadəsinə, onun haqqının  vaxtında ödənilməsi istiqamətində marifləndirmə işlərinin aparılması məqsədilə yerli struktur bölmələrimizin əməkdaşları tərəfindən də, mütəmadi  tədbirlər həyata keçirilir. Abonentlərə təqdim edilən bildiriş xəbərdarlıqlarda istifadə edilən elektrik enerjisinin haqqının ödənilməsi və qanunla nəzərdə tutulmuş müddətdə elektrik enerjisinin haqqının ödənilmədiyi təqdirdə müvafiq tədbirlərin görüləcəyi barədə xəbərdarlıqlar edilir.

Bütün görülən tədbirlərlə yanaşı,  dövlət elektroenergetika müəssisəsi və müstəqil elektrik enerjisi istehsalçılarından topdan alınmış elektrik enerjisinin haqqının öhdəlik tələbləri çərçivəsində ödənilməsi, ötürücü qurğu və avadanlıqların saxlanması, onlara texniki xidmətin vaxtında göstərilməsi, həmçinin işçi personalın əmək haqqlarının ödənişinin təmin edilməsi üçün  istehlakçılara satılmış elektrik enerjisinin haqqının vaxtında və tam ödənilməsi zəruridir.

Azərbaycan Respublikasının Nazirlər Kabinetinin 02.02.2005-ci il tarixli, 18 nömrəli qərarı ilə təsdiq edilmiş “Elektrik enerjisindən istifadə Qaydaları”nın tələblərinə əsasən elektrik enejisinin istifadəsində israfçılığa və qeyri-qanuni elektrik şəbəkəsinə qoşulma hallarına qarşı nəzarət strukturlarımızın əməkdaşları tərəfindən müvafiq akt tərtib olunmaqla nəzarət tədbirləri həyata keçirilir.

Hörmətli abonentlər, istehlak etdiyiniz elektrik enerjisinin haqqının vaxtında ödənilməsi əhəmiyyətlidir.