Elektrik enerjisi istehlakçılarından debitor borcların yığılması istehlak olunan elektrik enerjisinə görə müvafiq dövrü əhatə edən ödənişlərin alınması prosesindən ibarətdir. Bu proses elektrik enerjisi təchizatçıları üçün pul vəsaitlərinin hərəkətini təmin etmək, əməliyyat xərclərini ödəmək, elektrik enerjisi verilişini  davamlılığını və dayanıqlığını təmin etmək üçün vacibdir.

Elektrik enerjisi istehlakçıları aylıq istifadə etdikləri enerji sərfiyyatına görə müvafiq ödənişlər həyata keçirirlər. İstehlakçılara təqdim olunan məlumatlarda aylıq istehlak edilmiş elektrik enerjisinin miqdarı, tətbiq olunan tariflər, hər hansı əlavə ödənişlər və ödəmə tarixi ətraflı təsvir olunur.

“Azərişıq” ASC ödənişlərin vaxtında həyata keçirilməsi prosesini asanlaşdırmaq məqsədilə istehlakçılara müxtəlif ödəniş variantları təklif edir. Belə ki, istehlakçılar Cəmiyyətin mobil tətbiqi vasitəsilə onlayn, bank köçürmələri, icazə verilən yerlərdə nağd pulla ödəniş edə bilərlər. İstehlak olunan elektrik enerjisinin dəyərinin  son tarixə qədər ödənilmədiyi hallarda, Cəmiyyət tərəfindən istehlakçılara xatırlatma bildirişi və xəbərdarlıq təqdim edilir.

Debitor borclarının yığılması istehlakçıları kəsintisiz və davamlı elektrik enerjisi ilə təchizatının etibarlılığı üçün mühüm əhəmiyyət kəsb edir.