Cəmiyyət tərəfindən  həyata keçirilən mühüm prioritet hədəflərdən biri abonentlər tərəfindən istehlak edilmiş elektrik enerjisi üzrə debitor borcların tam həcmdə yığılmasıdır. Debitor borcların yığılması “Azərişıq” ASC-nin maliyyə vəsaitlərinin formalaşdırılmasında mühüm əhəmiyyət kəsb edir. Həmin vəsait “Azərişıq” ASC  tərəfindən enerji istehsalçılarından topdan alınmış elektrik enerjisinin dəyərinin öhdəlik tələbləri çərçivəsində ödənilməsi, paylayıcı qurğu və avadanlıqların saxlanması, onlara texniki xidmətin vaxtında göstərilməsi, həmçinin işçi personalın əmək haqlarının ödənişinin təmin edilməsinə yönəldilir. Bu baxımdan istehlakçılara satılmış elektrik enerjisinin dəyərinin vaxtında və tam  ödənilməsi mühüm əhəmiyyət kəsb edir. Belə ki, istehlakçıların ödəniş intizamını pozmaması, “Elektrik enerjisindən istifadə Qaydaları”na istehlakçılar tərəfindən əməl olunması daim diqqət mərkəzində saxlanılır.

Bununla əlaqədar olaraq, abonentlərin istehlak etdikləri  elektrik enerjisinin dəyərinin vaxtında ödənilməsi istiqamətində maarifləndirmə işlərinin aparılması məqsədilə “Azərişıq” ASC-nin struktur bölmələrinin əməkdaşları tərəfindən müntəzəm olaraq tədbirlər  həyata keçirilir. Abonentlərə təqdim edilən bildiriş xəbərdarlıqlarında istehlak edilən elektrik enerjisinin dəyərinin ödənilməsi diqqətlərinə çatdırılır və qanunla nəzərdə tutulmuş müddətdə elektrik enerjisinin dəyərinin ödənilmədiyi təqdirdə müvafiq tədbirlərin görüləcəyi barədə xəbərdarlıq edilir. 

Şəbəkələrdə sayğac oxunmalarında şəffaflığın təmin edilməsi məqsədiilə “Optik göz” qurğusundan istifadə edilir. Bu isə öz növbəsində xətaların qarşısının alınmasında xüsusi rol oynayır. Bundan əlavə olaraq “Smart kart” və SMS tipli sayğaclarla təchiz olunan abonentlərin ödəniş proseslərinin asanlaşdırılması üçün ”card reader” qurğuları istifadəyə verilmişdir. “Card reader” qurğusu ilə abonentlər evdən çıxmadan “Smart kart” tipli sayğacın balansını artıra bilirlər.

Azərbaycan Respublikasının Nazirlər Kabinetinin 02.02.2005-ci il tarixli, 18 nömrəli qərarı ilə təsdiq edilmiş “Elektrik enerjisindən istifadə Qaydaları”nın tələblərinə əsasən elektrik enejisinin istifadəsində qeyri-qanuni elektrik şəbəkəsinə qoşulma hallarına qarşı “Azərişıq” ASC-nin müvafiq strukturları tərəfindən tədbirlər həyata keçirilir. 

Hörmətli abonentlər, istehlak etdiyiniz elektrik enerjisinin dəyərini vaxtında ödəyin.