“Azərişıq” ASC göstərilən xidmətlərin istehlakçlara əlçatan olması və operativliyinin artırılması istiqamətində ardıcıl tədbirlər həyata keçirir.Bu xidmətlərdən biri də abonentlərin elektrik təchizatı şəbəkəsinə qoşulmasının (ETŞ) təmin edilməsidir. Bu baxımdan Cəmiyyətin www.azerishiq.az internet səhifəsində “Elektrik şəbəkəsinə qoşulma” bölməsi ilə yanaşı “Elektron işıq portalı” bölməsi də yaradılmışdır. Həmin bölmələrdə,  ETŞ-yə qoşulma üçün müraciət etmə qaydaları,  müraciətlərin (şikayət və təkliflər) icra  mexanizmləri (daxili qaydalar),   o cümlədən tələb olunan sənədlərin siyahısı barədə  məlumatlar öz əksini tapır.

Cəmiyyət tərəfindən göstərilən xidmətlərin mərhələli şəkildə Elektron Hökümət Portalına inteqrasiyası davam etdirilir, elektron platforma üzərindən “online” qəbul və nəzarət sistemi tətbiq edilir.Belə ki, istehlakçılar “e-gov.az” və ya “e-service.azerishiq.az” saytından onlayn qaydada müraciət etməklə Cəmiyyətin bir çox elektron xidmətlərindən yararlana bilərlər.

Elektrik təchizatı şəbəkəsinə qoşulmanın istehlakçılar üçün daha rahat və əlçatan olması üçün sahibkarlıq subyektlərinin ETŞ –yə elektron şəkildə qoşulması prosedurları üzrə video təlimat hazırlanmış və  2024-cü ilin yanvar ayı ərzində "Azərişıq ASC-nin rəsmi səhifəsinə yüklənmiş və sosial şəbəkələrdə olan səhifələrində yayımlanmışdır.

Həmçinin, cari ilin yanvar ayı ərzində ETŞ-yə qoşulma sahəsində aparılmış islahatlar və həyata keçirilən yeniliklər barədə KOB inkişaf Agentliyinin  və sahibkarların iştirakı ilə Lənkəran və Sumqayt şəhərlərində görüşlər keçirilmiş, sahibkarların sualları cavablandırılmışdır. Görüş kütləvi informasiya vasitələrində (KİV) yayımlanmışdır.

ETŞ-yə qoşulma sahəsində aparılmış islahatlar və həyata keçirilən yeniliklər barədə KOB inkişaf Agentliyinin  və sahibkarların iştirakı ilə Lənkəran və Sumqayt şəhərlərində görüşlər keçirilmiş, sahibkarların sualları cavablandırılmışdır. Görüş kütləvi informasiya vasitələrində (KİV) yayımlanmışdır.

Sahibkarlıq subyektlərinin elektron poçt üzrə məlumat bazası üzərindən ETŞ-yə qoşulma ilə məlumatların, yeniliklərin və digər aidiyyəti mövzuların sahibkarların elektron poçt ünvanlarına göndərilmişdir.

Sahibkarlıq subyektlərinin elektron və qeyri-elektron olaraq ETŞ-yə qoşulma statistikası azerishiq.az rəsmi internet saytında  yerləşdirilmişdir.