Ölkə prezidentinin elektron xidmətlərin genişləndirilməsi ilə bağlı imzaladığı Fərman, Sərəncam və tapşırıqlarına  uyğun olaraq  “Azərişıq” ASC tərəfindən müntəzəm olaraq texnoloji yeniliklər və innovasiyalar tətbiq edilir. Abonent məmnunluğunun daha da artırılması istiqamətində mütəmadi olaraq tədbirlər həyata keçirilir.  

Texnoloji yeniliklər həmçinin insanların vaxta qənaət etməsi baxımından böyük üstünlük yaradır. Belə ki, insanlar evlərini, iş yerlərini tərk etmədən  mobil  tətbiq vasitəsilə ödənişləri həyata keçirə bilərlər. Səhmdar Cəmiyyətin mobil tətbiqi vasitəsilə istifadəçilər rahat şəkildə bir neçə işi görə bilərlər:

Elektrik enerjisi sərfiyyatlarını görə;

Elektrik enerjisinə görə aylıq fakturaları izləyə;

Elektron müraciət edə;

Elektrik enerjisi borcunu online ödəyə;

Smart sayğac istifadəçilərinin online balanslarını öyrənə;

Smart sayğacının balansını artıra bilərlər.

Həmçinin tətbiq vasitəsi ilə  elektrik enerjisi borcunu bank kartları ilə onlayn ödəmək imkanı mövcuddur.

Səhmdar Cəmiyyət bundan sonra da digər xidmətləri elektronlaşdıraraq abonentlərin istifadəsinə verilməsi istiqamətində tədbirlər görməkdə davam edir.