Görüşdə AzTU-nun “Energetika, elektrotexnika və avtomatika” fakültəsinin ustad proqramlarına cəlb olunan tələbələrinin və işlə təmin olunan gənc məzunlarının fəaliyyəti müzakirə olunub. Həmçinin iki qurum arasında teleprezent ( online) sistemi ilə dərslərin yeni mövzular üzrə təşkili, səriştə əsaslı dual təlim və beynəlxalq təcrübə proqramları barədə də fikir mübadiləsi aparılıb.
"Azərişıq" ASC-nin Tədris Mərkəzinin direktoru Araz Məmmədzadə bildirib ki, 2018-2019-cu illərdə qurumun mərkəzləşdirilmiş işə qəbul proqramı üzrə işə götürülən 14 nəfərdən 9-u AzTU-nun məzunudur. Ümumilikdə, Səhmdar Cəmiyyətin baş ofisində və bölgələrdəki idarələrində çalışanların 70%-ni AzTU məzunları təşkil edir.
"Azərişıq" ASC-nin Tədris Mərkəzində universitetin II, III, və IV kurs tələbələrinə səriştə əsaslı dual təlimlər təşkil edilir. Həmin təlimlər AzTU-nun professor-müəllim heyəti tərəfindən aparılır. Təcrübə proqramlarını uğurla bitirən tələbələr müəssisənin işə qəbul proqramında iştirak etmək imkanı qazanır.
2020-ci ilin mart ayında “Energetika, elektrotexnika və avtomatika” fakültəsinin IV kurs tələbələri və magistrantlarından beynəlxalq təcrübə proqramının iştirak şərtlərinə uyğun seçilən 5 nəfər Rusiyanın Moskva Energetika İnstitutunda Rele mühafizəsi və avtomatik idarə sistemləri ( Системы релейной защиты и автоматического управления), Elektrik şəbəkə və sistemlərinin təşkili (Организация электрических сетей и системы ) üzrə (6 ay- 1 il müddətində) təlim keçəcək. Təlimi uğurla bitirənlər gələcəkdə "Azərişıq" ASC ilə 3 illik Niyyət protokolu imzalayaraq müddətsiz işə qəbul olunacaqlar.
Digər xəbərlər
- “Azərişıq” ASC-nin sədri Vüqar Əhmədov Oğuzda vətəndaşları qəbul edib. 05 İyul 2024
- “Azərişıq” ASC-nin sədri Vüqar Əhmədov Şəkidə vətəndaşları qəbul edib. 16 May 2024
- Elektrik təchizatı şəbəkəsinə qoşulma prosedurunda elektron xidmətlərin rolu artırılır 25 İyul 2024
- Yeni nəsil sayğacların quraşdırılması enerji səmərəliliyini artıracaq, debitor borcların azaldılmasına şərait yaradacaqdır. 09 İyun 2024
- ASAN Xidmət mərkəzlərində “Azərişıq” ASC-nin müştəri məmnuniyyətinin artırılması istiqamətində tədbirlər həyata keçirir. 03 İyun 2024