“Azərişıq” ASC və Azərbaycan Respublikası Təhsil Nazirliyi 2 nömrəli Uşaq-Gənclər İnkişaf Mərkəzinin birgə təşkilatçılığı ilə “Azərişıq” ASC-nin 5 illiyinə həsr olunmuş "İşıqlı Azərbaycan" respublika rəsm müsabiqəsinin qaliblərinin (16.10.2020-ci il tarixində) mükafatlandırılma mərasimi keçirilib.
Respublika rəsm müsabiqəsi Bakı şəhərində və respublikamızın regionlarında fəaliyyət göstərən Uşaq-Gənclər İnkişaf Mərkəzlərinin dərnək üzvləri arasında 2 mərhələdən ibarət olmaqla 3 yaş qrupu (6-9, 10-13,14-18) üzrə keçirilib. Müsabiqəyə ölkə üzrə 52 Uşaq-Gənclər İnkişaf Mərkəzindən 200-dən artıq rəsm əsərləri göndərilmişdir.
Müsabiqə ölkəmizi dayanıqlı və keyfiyyətli elektrik enerjisi ilə təmin edən “Azərişıq” ASC-nin fəaliyyətində vətəndaş məmnunluğunu ifadə etmək, elektrik enerjisinin israfçılığının qarşısını almaq, elektrik enerjisinə qənaət etmək, dünyada koronavirus infeksiyasının yaratdığı pandemiya ilə əlaqədar ev şəraitində uşaq və gənclərin asudə vaxtlarını səmərəli təşkil etmək, onların yaradıcılıq qabiliyyətlərini üzə çıxartmaq, izolyasiya müddətində qarşılıqlı əməkdaşlıq, təcrübə mübadiləsini təmin etmək məqsədi ilə keçirilib.
Münsiflər heyəti tərəfindən seçilən qaliblər “Azərişıq” ASC tərəfindən müvafiq diplom, təşəkkürnamə və hədiyyələrlə mükafatlandırılıb.
Digər xəbərlər
- Elektrik enerjisinin təchizatı ilə bağlı müraciətlərin qəbulu, onlara baxılması və bu sahədə istehlakçıların hüquqlarının qorunmasına dair daxili qaydalar hazırlanaraq “Azərişıq” ASC-nin rəsmi səhifəsində yerləşdirilmişdir. 20 Fevral 2024
- “Azərişiq” ASC –də elektrik enerjisi itkilərinin azaldılması üçün tədbirlər həyata keçirilir. 27 Mart 2024
- “Azərişıq” ASC-nin sədri Vüqar Əhmədov Masallıda vətəndaşları qəbul edib. 27 Fevral 2024
- “Azərişıq” ASC Kəlbəcərdə yenidənqurma işlərini davam etdirir. 12 Aprel 2024
- “Azərişıq” ASC-nin elektrik təchizatı şəbəkəsinə qoşulma xidmətinin elektronlaşdırılması istiqamətində gördüyü işlər davam etdirilir. 31 Yanvar 2024